Нашите ученици – шампиони во работнички права!
Во рамките на кампањата за работнички права која ја реализира Економско-социјалниот совет со поддршка на проектот „Зајакнување на социјалниот дијалог“, изминатиот период се организираше натпревар за учениците од средните училишта. Натпреварот се реализираше преку мобилната апликација Твои права @ работа, како дел од кампањата “Мој труд, мои права” и на него наши ученици постигнаа извонреден успех. Имено, тие заслужено го освоија првото место и станаа шампиони во работнички права .
Како награда за учеството и покажаните најдобри резултати на ниво на училиште, училиштето ќе добие комплетна кино опрема која се состои од:
- Проектор и платно за проектор
- 2 звучници
- Сет сталки за звучниците
- Миксета
Дел од учениците кои учествуваа во натпреварот се меѓу најдобрите 10 со што добија и индивидуални награди како резултат на покажаните одлични резултати на натпреварот:
Марин Русков и Теодор Митревски освоија награда JBL звучник, а Ева Ацевска и Дарко Талевски освоија JBL слушалки.
Браво за сите кои учествуваа на натпреварот…Успехот е заеднички на сите кои дадовте свој придонес, ви честитаме и се гордееме со вас!
Проектот “Твои права @ работа” како дел од кампањата “Мој труд, мои права” е имплементиран од страна на Меѓународната организација на трудот (ILO – International Labour Organisation) и финансиран од страна на Европската Унија.
